Веднаш потоа група македонски планинари го вратија македонското знаме на највисокиот планински врв на Северна Македонија, Кораб. Планинарите се искачиле на врвот и го ставиле знамето на Македонија, а во постот на социјалната мрежа на Инстаграм е посочено: „Македонија секогаш имала храбри синови!
Видеото со симнувањето на државниот симбол на Фејсбук го постави самиот Шулку, кој се смета за албански патриот, планинар, и е познат како „дебарскиот Тарзан“. Но, на Шулку ова не му е прво симнување на македонското знаме од Кораб, тој почесто го прави тоа и го споделува на својот Фејсбук профил.
Од МВР објавија дека станува збор за странски државјанин и дека случајот се истражува.
Во кривичниот законик е предвидена казна за такви дела. Во членот 178 од КЗ, Повреда на угледот на Република Македонија стои: Тој што со намера за исмејување јавно ќе ја изложи на подбив Република Македонија, нејзиното знаме, грб или химна, ќе се казни со парична казна.
Врвот Голем Кораб на планината Кораб се наоѓа на 2.764 метри надморска височина, во рамки на Националниот парк Маврово.
Отстранувањето на македонското знаме од Кораб, на социјалните мрежи предизвика говор на омраза.
ЦИВИЛ го осудува немилиот настан на Кораб бидејќи таквиот однос не придонесува кон почитување, добрососедски и добри меѓуетнички односи. Наместо негирање, треба да се негува и чува заедничкото наследство и да се зајакнува соживотот.
Д.М. / Цивил Медиа
