Рускиот министер за надворешни работи Сергеј Лавров го поздрави кандидатот за потпретседател на Доналд Трамп, Џеј Ди Венс поради неговиот став за војната во Украина, која Москва ја почна пред повеќе од две години.
Како што пренесе ДПА, Венс, сенатор од Охајо, се изјасни за ставање крај на воената помош за Украина, рекол Лавров вчера во Обединетите нации во Њујорк.
– Можеме само да го поздравиме ова бидејќи тоа е токму она што е потребно – да престанеме да ја разгоруваме Украина со оружје, рече Лавров.
Лавров рече дека слушнал дека Венс е за ставање крај на испораката на оружје за Украина и оти е посветен на изнаоѓање решение за војната во Украина.
Венс, поранешен жесток критичар на Трамп, сега сесрдно го прифати и се смета за ѕвезда во подем во Републиканската партија.
Тој често се противи на американската помош за Кијив и гласаше против пакетот помош од 61 милијарда долари за Украина, кој Сенатот го одобри во април.
Само неколку дена пред да руската агресија, Венс изјави: „Навистина не ми е гајле што ќе се случи со Украина на еден или друг начин“.
Трамп, кој во понеделникот беше официјално номиниран за претседателски кандидат на Републиканската партија, постојано тврди дека ќе може да ја заврши војната во Украина во рок од 24 часа, без да наведе детали како ќе ја постигне таа цел. ј
Поврзано:
Што значи за Украина одлуката на Трамп да го назначи Венс за негов кандидат за потпретседател?
