Лидерот на Хамас на Западниот Брег почина во израелски притвор откако му се влоши здравствената состојба, соопштија денеска палестинските власти.
Мустафа Мухамед Абу Ара (63) почина откако беше префрлен во болница од затворот Рамон во јужен Израел, се вели во соопштението на палестинската управа за прашања на затворениците.
„Пред апсењето тој страдаше од сериозни здравствени проблеми и му требаше интензивен медицински надзор. Сепак, од моментот на неговото апсење, шеик Абу Ара, како и сите затвореници, се соочи со злосторства без преседан… од почетокот на војната за истребување“, се вели во соопштението.
Абу Ара, беше уапсен во октомври лани, беше подложен на тортура и лишен од медицинска помош, соопштија од палестинската управа и засега нема коментар од Израел.
Најмалку 18 Палестинци ги загубија животите во израелски затвори од почетокот на војната во Газа на 7 октомври, соопшти минатиот месец Здружението на палестински затвореници.
