Турскиот стрелец со пиштол Јусуф Дикец стана вирален на социјалните мрежи поради неговиот навидум лежерен однос додека пукаше до сребрениот медал на Олимпијадата во 2024 година, пишува АП.
Најсподелуваните слики го прикажуваат Дикец како пука во маица со едната рака во џебот, со обични очила и невозбудлив изглед на лицето. Го споредуваат со обичен човек кој се натпреварува на Олимпијадата, па дури и со платен убиец.
Дикец и Севал Илајда Тархан во вторникот го освоија сребрениот медал во мешано екипно гаѓање со воздушен пиштол 10 метри. Тоа беше првиот медал на Турција во олимписко стрелање.
Микец и Зорана Аруновиќ освоија злато за Србија. Бронзата им припадна на Ману Бакер од Индија и Саработ Синг.
За разлика од Дикец, Тархан се натпреваруваше со големи ушни штитници и визир, како и со плетенки во црвено-белите бои на турското знаме. И таа пукаше со едната рака во џебот.
Дикец и Тархан во средата патуваа до француската престолнина, каде беа пречекани со овации во Паркот на шампионите, место на отворено каде што освојувачите на медали слават со навивачите.
Зошто Дикец не носеше повеќе опрема?
Стрелците имаат одредена слобода за тоа како се облекуваат за натпревар.
Многу стрелци на олимпискиот полигон во Шатору, централна Франција, избираат да носат штитници за да го намалат отсјајот на светлата или таканаречените ролетни на едното око за да добијат подобар фокус на окото кое гледа надолу кон метата.
Не е точно дека Дикец не носел опрема за стрелање. Имаше жолти чепчиња за уши за да ги спречи одвлекување на внимание. Тие едноставно не беа видливи од аголот на сликата што стана вирална.
Исто како Дикец, кинескиот стрелец со пушки Лиу Јукун во четвртокот освои златен медал носејќи тампони за уши, но без ролетна или визир.
Подготви: Ј. Ѓ.
