Украинскиот претседател Володимир Зеленски на социјалните мрежи сподели фотографии од пристигнатите авиони Ф-16 во Украина.
„Го овозможивме она што беше наша амбиција, наша потреба за одбрана, а сега Ф-16 е навистина реалност, реалност на нашето небо“, пишува во објава Зеленски.
– Украина ги доби своите први борбени авиони Ф-16 од американско производство, изјави вчера претседателот Володимир Зеленски. „Ф-16 во Украина. Ние го направивме тоа“, рече тој на церемонијата во неименувана воздушна база.
Украинскиот лидер им се заблагодари на сојузниците за она што некогаш многу се двоумеле да го обезбедат – иако додаде дека се потребни уште повеќе авиони.
Тој не прецизираше колку авиони пристигнале во Украина, или дали сите биле испратени од Данска, Холандија и САД, на што тој посебно се заблагодарил.
Пристигнувањето на авионите означува клучна пресвртница во зајакнувањето на способностите на воздухопловните сили на Украина, кои во голема мера се потпираат на старите авиони од советската ера.
За време на Самитот на НАТО во Вашингтон на 9-11 јули, американскиот државен секретар Антони Блинкен објави дека Холандија и Данска веќе го започнале трансферот на Ф-16 во Украина, и се очекува тие да бидат оперативни ова лето.
Како што наведува Би-Би-Си, земјите членки на НАТО ветија околу 65 авиони F-16 откако американскиот претседател Џо Бајден прв ги овласти спремните европски сојузници да ги испратат во Украина.
Ј. Ѓ.
Поврзано:
