Според соопштението на израелските одбранбени сили, проектили се лансирани од Иран кон Израел, јавува Си-Ен-Ен.
Сирените се огласуваат низ Израел, се вели во него.
Иранските проектили ја надлетуваат земјата, известува репортер на Си-Ен-Ен.
Камерите на Си-Ен-Ен снимиле најмалку десетина проектили како прелетуваат над Тел Авив.
Во еден момент, проектил паднал во близина на местото каде што известувал репортерот на Си-Ен-Ен во Тел Авив.
Претходно попладнево сирените за воздушен напад се огласија во централен Израел, соопшти војската, еден ден откако армијата започна копнени операции во јужен Либан насочени кон позиции на Хезболах.
„Сирените се огласија во централниот дел на Израел“, соопшти војската, без да наведе детали за областите.
Командата на армијата им издаде нови упатства на жителите на централното подрачје на Израел, познато како Гуш Дан, предупредувајќи ги да останат „во близина“ на засолниште за бомби или друго заштитено подрачје до понатамошно известување, по извештаите за неизбежен ирански напад.
Ажурирањето ги предупредува жителите „да избегнуваат непотребно трошење време на отворено“ и повторува дека доколку се огласат сирените, граѓаните треба да влезат во заштитено подрачје и да останат таму 10 минути.
Ј. Ѓ.
