Одлуката на Специјалниот суд против организиран криминал и корупција, со која му беше укината мерката „куќен притвор“, на Сали Бериша му го отвора патот да се врати во Собранието, од каде што замина во декември минатата година, кога му беше одземен имунитетот, а на 30 декември и одредена безбедносната мерка.
Неговото столче веќе нема да биде празно од утре кога ќе се одржи пленарна седница за гласање на член по член на Предлог-буџетот за 2025 година, но ќе биде на растојание од поранешниот лидер на ДП, Љуљзим Баша, со кого се во влошени односи, па Баша сега делува како група на ДП- евроатлански демократи, со само седум пратеници, објавија медиумите.
Покрај лидерот на ДП, Бериша, ќе бидат пратеничката Албана Вокши и Ералда Банон, некогаш дел од групата на Баша, но се вратија во седиштето на ДП во јуни. До него ќе биде и Фљамур Нока, кому лидерот на демократите во негово отсуство му ја довери лидерката фотелја.
Утрешната седница се очекува да биде бучна, додека при одобрувањето точка по точка на проектот/буџетот, демократите ќе побараат да се вклучат нивните 30 амандмани.
Албанскиот парламент по 23-часовна расправа пред десеттина дена со мнозинство гласови го изгласа Нацрт-буџетот за 2025 година, проектиран на 8,2 милијарди евра што е за 600 милиони евра повисок во однос на оваа календарска година и е историски највисок.
