Екипата на Ливерпул оваа сезона е голем фаворит за освојување на трофејот во Лигата на шампионите. Ова го предвидува компјутерот на статистичката компанија „Опта“, која разигрува илјадници варијанти и процентуално одредува кои се тимовите со најголеми шанси.
„Црвените“ направија импресивен почеток на сезоната под водство на новиот менаџер Арне Слот. Ливерпул досега забележа само еден пораз во Премиер лигата, а по одиграните пет кола од Лигата на шампионите, Англичаните имаат пет натпревари и се единствениот тим со сите освоени бодови.
Според „Опта“, Ливерпул има 20,7 отсто шанси да го освои натпреварувањето кое оваа сезона се одвива во нов формат. Шансите на „црвените“ за пласман во полуфиналето – 51,3%.
Ливерпул веќе обезбеди пласман за нокаут фазата на турнирот напролет, иако Арне Слот и компанијата имаат уште три натпревари до крајот. Следната недела, Ливерпул гостува кај шпанска Жирона.
