Селекторот на македонската машка ракометна репрезентација Кирил Лазаров го објави списокот на ракометари за претстојното Светско првенство кое во јануари ќе се одржи во Хрватска, Данска и Норвешка.
На списокот се најдоа 20 ракометари, сите од домашното првенство, а меѓу повиканите не е ракометарот на Бенфика, Филип Талески, додека голманот Мартин Томовски од Потсдам е резерва.
Селекторот Лазаров се одлучи за Никола Митревски, Марко Кизиќ, Иван Галевски, Петар Атанасијевиќ, Иван Џонов, Ненад Костески, Александар Петковски, Томислав Јагуриновски, Мартин Велковски, Мартин Серафимов, Марко Митев, Игор Ѓорѓиев, Филип Кузмановски, Павле Атанасијевиќ, Жарко Пешевски, Милан Лазаревски, Валентин Карасманакис, Марко Стојковиќ, Никола Маркоски и Михајло Младеновиќ.
Македонската репрезентација в недела ги почнува завршните подготовки за на СП на кое настапот ќе го почне на 15 јануари против Унгарија, по што ќе следуваат дуелите против Холандија и Гвинеја.
