Популарниот Cartoon movement направи топ 10 листа на најдобрите карикатури во 2024 година. Оттаму наведуваат дека во избор на повеќе од 10.000 карикатури од над 700 карикатуристи овие 10 ги одразуваат некои од најважните вести и настани во 2024 година.
Во првата карикатура, на почетокот на јануари, Осама Хаџај изрази надеж дека 2024 година ќе биде подобра година. Не испадна баш така, и тој во основа можеше да ја создаде истата карикатура и за 2025 година…
Втората карикатрура на австрискиот уметник Маријан Каменски , се покажа како попророчка (за жал) и дава кратко визуелно резиме на тековните односи на моќ.
Карикатурата „Детето од Газа“ на Јусеф Алимохамади не е воопшто смешена, но покажува како добара карикатура може да ве соочи со суровата реалност.
Деркауи Абделах со својата карикатура за Први мај не само што ја покажува нееднаквоста што продолжува да опстојува меѓу капиталот и работната сила, туку тоа го поврзува и со климатската криза и зголемувањето на нивото на морето, чии последици несомнено најтешко ќе ги почувствуваат обичните работници.
Карикатурата на SWAHA покажува како радикалната десница се обидува да ги направи своите идеи попријатни за гласачите (во Франција еволуирајќи од Жан-Мари па Марин Ле Пен, се до Јордан Бардела).
Мамката на екстремната десница на европските избори е исто така соодветно доловена во оваа карикатура на Тиаго Лукас од Бразил:
Светот беше и сè уште е бавен да го нарече геноцид она што се случува во Газа. Карикатуристот „З“ од Тунис ја визуелизира политиката што ја опкружува неискажливата хуманитарна катастрофа што сè уште се случува.
Повеќето од вас ќе се сеќаваат на првата (и единствена) дебата меѓу Доналд Трамп и Камала Харис. Иако беше изгубена од Трамп, тоа не го чинеа избори, бидејќи се чини дека повеќето гласачи претпочитаат пригодни лаги отколку сурови вистини. Карикатурата е на Емад Хаџај.
Вака ќе изгледа новото владеење на Трамп, смета Паоло Калери од Германија.
Падот на Асад во декември ја затвора топ 10 листата. Алан Лаузан од Чиле го замислува доаѓањето на Асад во палатата на Путин.
Извор: Blog Cartoon Movement
Подготви: Б. Т.
