Зимска бура која погоди дел од САД одзеде најмалку пет животи, предизвикувајќи затворање на училишта, откажување летови и прекин на снабдувањето со струја во многу региони.
Седум американски држави прогласија вонредна состојба – Мериленд, Вирџинија, Западна Вирџинија, Канзас, Мисури, Кентаки и Арканзас.
Според податоците, околу 2.300 летови се откажани, а 190.000 лица останале без електрична енергија.
Снежните врнежи се очекува да продолжат, извести Националната метеоролошка служба.
