Тренерот на Ливерпул, Арне Слот не е задоволен од ремито на неговиот тим со Нотингем Форест синоќа на натпреварот од 21. коло од англиското фудбалско првенство.
Ливерпул еден час беше во негатива, но на крајот успеа да дојде до бод (1:1).
– Малку сум разочаран, иако кога имаш негатива од 0:1 против Нотингем Форест, премногу е да се бара победа, бидејќи тие се квалитетен тим кој ретко дозволува шанси на противникот. Не смееме да се навикнеме да не го добиваме она што го заслужуваме, изјави Слот за „BBC Sport“.
На табелата во Премиер лигата Ливерпул е лидер со 47 бодови, а Нотингем Форест е втор со 41 бод.
Гвардиола за ремито со Брентфорд – Сити не е во топ форма, но денеска не бевме лоши
Тренерот на Манчестер сити, Хосеп Гвардиола се осврна на синоќешното реми со Брентфорд (2:2).
Граѓаните водеа со 2:0, но не успеаја да ги освојат трите бода.
– Малку сме разочарани, затоа што при 2:0 не успеавме да го задржиме водството и, за жал, не можевме да го завршиме натпреварот со победа. Поради отсуството на централниот дефанзивец Родри, не сме во најдобра форма и не донесовме правилни одлуки. Треба да дејствуваме подобро. Не сме во топ форма, но денеска не беше лошо, изјави Гвардиола за „BBC Sport“.
Манчестер Сити има 35 бодови и се наоѓа на 6. место во поредокот во Премиер лигата, додека Брентфорд е на 10. место со 28 бодови.
