Илјадници корисници на ChatGPT ширум светот денеска барајќи одговори откако нивните напори да ја користат услугата беа пречекани со “bad gateway” и други кодови за грешки, јавува Ен-Би-Си.
Не беше веднаш јасно што го предизвика проблемот со апликацијата за вештачка интелигенција. На ChatGPT му требаше долго време да се вчита пред целосно да не успее или да упатува на внатрешна грешка на серверот.
Поголемиот дел од проблемот изгледаше централизиран во областа на Њујорк, според мапата на Down Detector, но објавите на X и другите социјални медиуми покажаа дека прекинот е глобален.
Од OpenAI објавија дека „Проблемот е идентификуван и се спроведува поправка“ за кратко потоа да известат: „Имплементирано е поправка и ги следиме резултатите“. Потоа, до 7:43 часот по средноевропско време, тие потврдија дека проблемот е решен. Луѓето сè уште пријавуваа периодични проблеми до 8 часот наутро.
Повеќе од 300 милиони луѓе користат ChatGPT неделно, соопшти компанијата. Според Yahoo Finance, корисниците секојдневно испраќаат повеќе од милијарда пораки на платформата, која започна во 2022 година.
