Претседателот на Алијансата за Албанците, Зијадин Села денеска на прес-конференција во Собранието соопшти дека врз основа на донесената одлука од страна на Основниот суд во Тетово, тој е претседател на партијата.
-Денеска по втор пат Основниот суд во Тетово одлучи дека претседател на Алијансата за Албанците треба да се регистрирам јас Зијадин Села како нивен претставник и претседател на Алијансата за Албанците. И тука сум да ја соопштам веста пред членството на АА и пред граѓаните, бидејќи политичките партии имаат димензии и се основани за општото добро, рече тој.
Според Села, во моментов ова е важен чин и момент, бидејќи, како што посочи, веќе се разјаснува патот на Алијансата за Албанците.
-АА припаѓа на неговите основачи. АА се враќа во неговите корени и како таква разјаснувањето на оваа ситуација во врска со тоа на кого му припаѓа Алијансата за Албанците е многу важно и за граѓаните на Република Македонија, пред се на Албанците, на другите заеднички заедници, рече тој.
На новинарско прашање дали ќе ја прифатат одлуката доколку повторно Апелациониот суд ја укине, Села очекува дека и во втората фаза ќе ја добијат битката по прашањето на кого му припаѓа Алијансата за Албанците.
-Основниот суд во Тетово постапил врз основа на забелешките на Апелациониот суд првиот пат предмет кога беше обжалена. Ние, преку нашиот правен застапник, постапивме врз основа на забелешките на Апелациониот суд. Сега нема никаква причина, оти не само што е постапено стопроцентно и според дадените забелешки од Апелациониот суд за тој да донесе спротивна одлука од донесената одлука на Основниот суд во Тетово. Очекуваме дека и во втората фаза ќе го добиеме ова прашање и за волја на вистината, колку побрзо ова прашање дојде до епилог, толку појасно ќе биде политичкото дејствување, не само за Алијансата за Албанците, туку воопшто за албанската политичка сцена, рече тој.
Според Села, постои тенденција да се воведе хаос во албанското политичко организирање во Северна Македонија, а овој политички хаос, како што рече, точно се знае со имиња и презимиња кој се обидува да ја поттикне.
