Првиот од двата брода со 1.000 тони хемикалија произведена во Кина, која може да биде клучна компонента во горивото за иранската воена ракетна програма, се закотви пред иранското пристаниште Бандар Абас во четвртокот, покажуваат податоците за следење на бродот. Тоа би можело да биде сигнал дека иранското ракетно производство се враќа како и обично по разорните и поразителни напади на Израел врз клучните фабрики минатата година, објави Си-ен-ен, пренесува ЦИВИЛ Медиа.
Бродот Голбон го напушти кинеското пристаниште Таиканг пред три недели натоварен со најголем дел од пратка од 1.000 тони натриум перхлорат, главниот претходник во производството на цврстото гориво што ги напојува иранските конвенционални ракети со среден дострел, според два европски разузнавачки извори.
Според разузнавачките извори, натриум перхлоратот би можел да овозможи производство на доволно гориво за околу 260 цврсти ракетни мотори за иранските ракети Кеибар Шекан или 200 балистички ракети Хаџ Касем.
Оваа испорака укажува на тоа дека Иран не е далеку од, или дека веќе би можел да се вратат во производството на неговите ракети.
Подготви: Д. Мишев / Цивил Медиа
