Пратеничката група на Левица предлага измени и дополнувања на Законот за јавните патишта со кои ќе се овозможи намалување на цените на патарините за 50 отсто и законска регулација на висината на патарината и нивната наплата, изјави пратеникот Амар Меџиновиќ.
-Со години македонските граѓани плаќаат високи цени за патарини, додека патиштата остануваат во катастрофална состојба. Дупки, свлечишта, незавршени делници и криминални тендери. Само во 2023 година, државата наплатила 62 милиони евра од патарини со што Македонија е меѓу земјита со најскапи патарини во регионот и на континентот, изјави Мециновиќ.
Првата измена е патарините да се намалат за 50 проценти, додека, втората висината на патарината и нивната наплата да биде регулирана со закон.
-Со овој закон износот што го плаќа народот за користење на патиштата ќе биде намален за половина, за сите категории на возила. Втората измена е тоа што висината на патарината и нивната наплата за прв пат ќе бидат регулирани со закон наместо со правилник на влада, затоа што сега беше регулирано со правилник на влада, а не со закон, рече тој
Според Левица, ова ќе воведе транспарентност во носењето на одлуките поврзани со патарините.
-Овој закон треба да испрати порака до Владата дека законодавниот дом ќе ги заштити граѓаните во нивната бескурполозна алчност. Го повикуваме Собранието веднаш да го усвои овој закон, а за јавноста посочуваме дека од позиција на одлучување Левица би вовела вињета систем за нашите патарини, дополни Меџиновиќ.
