Се појави видео на социјалната мрежа Икс, објавено од украински блогер кој редовно информира за ситуацијата во Украина, на кое, според него, се гледа еден од хеликоптерите „Ми-24“ што Македонија ѝ ги донираше на Украина, како изведува напад врз руски цели во Доњецк, пренесе 360 степени.
„Поранешен хеликоптер од Северна Македонија Ми-24 и украински нападно-транспортен хеликоптер Ми-8 со ненаведувани проектили напаѓаат руски цели во регионот Доњецк“, напиша блогерот на Х.
❗️Former 🇲🇰North Macedonian Mi-24 attack helicopter and 🇺🇦Ukrainian Mi-8 attack-transport helicopter strike 🇷🇺Russian targets with unguided missiles in Donetsk region pic.twitter.com/LqcuVn4RIr
— 🪖MilitaryNewsUA🇺🇦 (@front_ukrainian) February 25, 2025
Македонија во 2023 година ѝ донираше на Украина повеќе борбени хеликоптери „Ми-24“, кои се од руско производство, но биле набавени од Украина во 2001 година. Одлуката за нивната донација беше донесена на владина седница на 29 март 2023 година.
