Астронаутите на НАСА Ен Меклејн и Никол Ајерс, астронаутот на JAXA (Јапонска агенција за воздушно истражување) Такуја Ониши и космонаутот на Роскосмос Кирил Песков во неделата влегоа во Меѓународната вселенска станица набргу по отворањето на отворите помеѓу вселенската станица и вселенското летало SpaceX Dragon, објави НАСА.
Меклејн, Ајерс, Ониши и Песков беа пречекани од екипажот на Експедицијата 72, вклучувајќи ги астронаутите на НАСА Ник Хејг, Дон Петит, Суни Вилијамс и Буч Вилмор, како и космонаутите на Роскосмос Александар Горбунов, Алексеј Овчинин и Иван Вагнер.
Астронаутите Буч Вилмор и Суни Вилијамс од НАСА ќе можат да се вратат дома по девет месечната мисија која требаше да трае само една недела по лансирањето на првиот астронаутски лет на Боинг кој се соочи со проблеми, што ја натера НАСА да го врати Starliner празен.
Четворицата нови астронаути кои ги претставуваат САД, Јапонија и Русија ќе ги поминат следните неколку дена учејќи за станицата од Вилмор и Вилијамс. Четворицата – астронаутите на НАСА Ен Меклејн и Никол Ајерс, јапонскиот астронаут Такуја Ониши и рускиот космонаут Кирил Песков – треба да останат на станицата околу шест месеци.
Подоцна оваа недела, Вилмор и Вилијамс ќе влезат во капсулата на SpaceX која е таму од минатата година за да ја затворат мисијата што започна минатиот јуни.
Вилмор и Вилијамс треба да ја напуштат станицата во среда, заедно со астронаутот на НАСА, Ник Хејг и рускиот космонаут Александар Горбунов, и да се приземјат во близина на брегот на Флорида.
Ј. Ѓ.
