На 1 март 2025 година, во Дајмон мол во Скопје, се одржа националниот натпревар FIRST LEGO League Macedonia 2025, кој собра: 23 тимови, над 230 ученици и нивни ментори, 15 државни училишта од цела Македонија, информираат од Young Engineers Скопје.
Тимот „The NOOBS“ од Young Engineers Skopje Macedonia стана апсолутен победник, освојувајќи го првото место и обезбедувајќи директен пласман на светското првенство во САД – Florida Sunshine Invitational 2025.
Името The NOOBS е оригинална идеја на самите ученици, а акронимот значи: New Original Operational Best Students (Нови, Оригинални, Оперативни и Најдобри Ученици). Тоа се: Бисера Стојановска, Петар Копачев, Синиша Шиповиќ, Ален Атанасов, Бодан Николов. Иван Скалов, Ведран Анастасовски, Тео Ваљак Трпчевски и Ноа Петковски.
Тимовите во FIRST LEGO League се оценуваат според четири главни категории:
- Роботска игра – извршување на мисии со LEGO робот во ограничено време.
- Роботски дизајн – инженерска иновативност, функционалност и ефикасност.
- Иновативен проект – развој на решение за глобален предизвик.
- Основни вредности – тимска работа, инклузивност, соработка и ентузијазам.
Највисоко рангираните тимови се селектираат за интернационални натпревари, а шампиони стануваат тимовите со извонредни резултати во сите категории.
FIRST LEGO League е меѓународна едукативна програма која преку роботика, иновации и тимска работа им овозможува на децата и младите да ги истражуваат науката, технологијата, инженерството и математиката (STEM). Натпреварите ги мотивираат учениците да решаваат реални предизвици, да програмираат LEGO роботи и да развиваат иновативни проекти со глобално значење.
Како единствен овластен претставник на Young Engineers во Македонија, Young Engineers Skopje Macedonia ја имплементира својата програмата, овозможувајќи им на младите да станат дел од најголемиот светски натпревар во едукативна роботика. Учениците се подготвуваат преку обуки за програмирање и роботика, развој на иновативни решенија за глобални предизвици, учество на национални и меѓународни натпревари.
