Навивачите на Ливерпул се свртеа против Трент Александер-Арнолд откако стана јасно дека тој е блиску до заминување од „Енфилд“ во Реал Мадрид како слободен играч.
Дефанзивецот беше предмет на интензивни шпекулации во поголемиот дел од сезоната, бидејќи договорот на играчот истекува на крајот од кампањата. Се чини дека тој нема да го продолжи договорот со „црвените“, што ги налути приврзаниците на Ливерпул.
Многу навивачи не сакаат Александер-Арнолд да игра до крајот на сезоната и инсистираат тренерот Арне Слот да не го пушта во игра.
Десниот бек моментално има повреда на скочниот зглоб, која ја заработи на реваншот против ПСЖ во Лигата на шампионите. Трент Александер-Арнолд досега има 349 настапи за Ливерпул.
