Се стравува дека има стотици мртви во земјотресот во Мјанмар, предизвикани огромни штети, прогласена е вонредна состојба

Хунтата во Мјанмар прогласи „вонредна состојба“ низ целото подрачје на центарот на земјата, вклучително и во вториот по големина град Мандалеј и главниот град Најпидау.

Вонредна состојба е прогласена и во Нејпудау, главниот град на земјата кој е седиште на највисокото раководство на хунтата.

Најмалку 10 лица загинаа во уривање на џамија.

Џамијата наводно се наоѓала во градот Мандалеј, во центарот на Мјанмар. Според извештајот, џамијата се урнала за време на молитва.

Новинската агенција, исто така, јавила дека се урнал и манастир во кој имало раселени лица во јужниот град Таунгу. Според очевидци, пет лица загинале, меѓу кои и деца, а неколку луѓе се уште се заробени под урнатините.

Претходно, на социјалната мрежа X беше споделено и видео на кое се гледа висококатница како се урива. Би-Би-Си објави дека има околу 50 повредени, најмалку еден загинат и едно исчезнато лице.

Властите на Мјанмар oбјавија итна крводарителска акција поради големиот број повредени во земјотресот што денеска ја погоди земјата.

Поради итната потреба од крв, властите ги повикаа дарителите веднаш да контактираат со болниците и да даруваат крв.

Воената хунта во Мјанмар повика и на итна меѓународна помош.

Водачот на Хунтата, Мин Аунг Хлаинг, ја посети болницата во главниот град Нејпидо, каде се наоѓаат многу повредени, јавија светските агенции.

„Сакаме меѓународната заедница да обезбеди хуманитарна помош што е можно поскоро“, изјави портпаролот на хунтата Зав Мин Тун.

Властите не го објавија бројот на жртвите, но фактот дека воената власт, изолирана по државниот удар во февруари 2021 година, апелира за помош, сугерира дека ова може да биде катастрофа од големи размери.

Медиумите објавија дека земјотресот бил почувствуван и во Бангладеш, Индија, Тајланд, Лаос и Кина.

Преземено: НоваТВ