Македонскиот народен театар (МНТ) со претставата „12“ вечер ќе гостува на сцената на Народно позориште – Сараево.
Моќната претстава „12“, како што информира МНТ, е адаптација на култното дело на Реџиналд Роуз, во режија на Синиша Евтимов.
Сараевската публика ќе има можност да ја проследи оваа интензивна драма, изведена од врвна актерска екипа: Ѓорѓи Јолевски, Гораст Цветковски, Тони Михајловски, Никола Ристановски, Благој Веселинов, Александар Микиќ, Игор Џамбазов, Јордан Симонов, Нино Леви, Оливер Митковски, Владо Јовановски и Сашко Коцев.
– „12“ е претстава што не остава никого рамнодушен – психолошка длабочина, социјална критика и актери во врвна форма. Сараево не пропуштајте ја!, наведуваат од МНТ.
Премиерната изведба на претставата „12“ беше во ноември 2024 година.
