Во четвртокот, на 17 април, Украина и Соединетите Држави потпишаа меморандум со кој ја потврдуваат нивната заедничка желба да склучат договор за заемно корисен економско партнерство меѓу двете земји, соопшти првиот вицепремиер и министер за економија на Украина, Јулија Свириденко во објава на Фејсбук.
„Денеска направивме чекор кон заедничко економско партнерство со САД. Украина и САД потпишаа меморандум што сведочи за конструктивната заедничка работа на нашите тимови и намерата да се финализира и склучи договор кој ќе биде од корист за нашите народи“, објави првата вицепремиерка.
Според Свириденко, во подготовка е создавање на Инвестициски фонд за реконструкција на Украина, а соодветниот договор ќе отвори можности за значителни инвестиции, модернизација на инфраструктурата и заемно корисно партнерство меѓу Украина и САД – затоа тимовите работат на документот.
Важно е со нашите договори да ја потврдиме желбата на американскиот народ да инвестира заедно со украинскиот народ во слободна, суверена и безбедна Украина, по што претстои финализирање на текстот на Договорот и негово потпишување. И следно – ратификација од парламентите, вели Свириденко.
Првата вицепремиерка им се заблагодари на украинскиот и американскиот технички тим „за нивната професионална, конструктивна и брза работа“.
Во четвртокот, американскиот претседател Доналд Трамп рече дека очекува договорот за минерали меѓу САД и Украина да биде потпишан следната недела.
Д. Мишев / Цивил Медиа
