Тренерот на Арсенал, Микел Артета се осврна на ремито со Кристал Палас во натпреварот од 34. коло на англискиот шампионат.
„Топчиите“ синоќа на домашен терен одиграа само 2:2.
– Со овој резултат ги загубивме нашите шанси за највисок пласман, секако за тоа е заслужен противникот. Ни беше тешко да најдеме константност во играта. Ја губевме топката на едноставни начини и доцневме во се што направивме. Разочаран сум, изјави Артета за „ESPN“.
Арсенал има 67 бодови и е втор на табелата во Премиер лигата. Лидер е Ливерпул со 79 бода и натпревар помалку. Сега на Ливерпул му е потребен само уште еден бод и официјално да ја освои тутулата во Премиер лигата. Ливерпул во недела на Енфилд го пречекува Тотенхем.
