Големи делови од Шпанија и Португалија останаа без електрична енергија од непознати причини, а шпанскиот оператор на електричната мрежа, Ред Електрика, објави дека соработува со други енергетски компании за враќање на снабдувањето со електрична енергија.
Шпанските медиуми објавија дека дел од метрото во Мадрид е евакуирано и дека има сообраќајни метежи во центарот на Мадрид бидејќи семафорите не работеле.
Португалската полиција објави дека семафорите се исклучени низ целата земја, метроата во Лисабон и Порто се затворени, а возовите не сообраќаат.
Британските медиуми пренесуваат дека шпанската компанија што ја контролира електроенергетската мрежа објави дека работи на постепено враќање на напонот на мрежата, нагласувајќи дека станува збор за „поширок европски проблем“.
Во меѓувреме, шпанската Влада организираше кризен состанок на кабинетот во седиштето на Ред Електрик, на кој ќе присуствуваат шпанскиот премиер Педро Санчез, првиот потпретседател и министер за финансии Марија Хесус Монтеро и третиот потпретседател и министер за животна средина Сара Агесен.
Властите потврдија дека болниците се потпираат на резервни извори на електрична енергија и генератори кои можат да одржуваат основна опрема како што се вентилатори, монитори за срце и други витални медицински помагала неколку часа.
Во него се наведува дека некои установи би можеле да останат без струја, иако грижата за критични пациенти не би требало да биде засегната.
Градските власти на Мадрид го активираа Планот за вонредни ситуации (PEMAM) за да го надминат прекинот на електричната енергија што влијае на функционирањето на шпанската престолнина.
