Хуманитарната организација „Светска централна кујна“ (WCK) објави дека престанала да работи во Појасот Газа бидејќи ѝ снемало залихи.
-По послужувањето на повеќе од 130 милиони оброци и 26 милиони векни леб во текот на изминатите 18 месеци, WCK повеќе нема залихи за готвење оброци или печење леб во Газа, се вели во соопштението.
Од 2 март, Израел ги држи премините во Газа затворени за храна, медицинска и хуманитарна помош, продлабочувајќи ја веќе постоечката хуманитарна криза во енклавата.
-Откако Израел ги затвори граничните премини на почетокот на март, WCK не беше во можност да ги надополни залихите со храна што ги користиме за да нахраниме стотици илјади жители на Газа секој ден, се вели во соопштението
WCK соопшти дека продолжува да ги поддржува палестинските семејства со дистрибуција на критично потребна вода за пиење каде што е можно.
Нагласувајќи дека камионите WCK натоварени со храна и гориво за готвење се подготвени на границата со Газа од почетокот на март, тие рекоа дека дополнителна храна и опрема се подготвени да бидат испратени до границата од Јордан и Египет.
-Нашата витална работа не може да продолжи без дозвола од Израел за влез на оваа помош, додадоа тие.
Повеќе од 52.600 Палестинци се убиени во Газа во израелските напади од октомври 2023 година, при што повеќето жртви се жени и деца.
