Полскиот вицепремиер и министер за надворешни работи Радослав Сикорски излезе со една од најдиректните оценки досега за можниот исход од воен судир меѓу Русија и западните сојузници, тврдејќи дека нивната воздушна надмоќ би овозможила Москва да биде поразена прилично брзо, како што се изрази.
„Ако Русија нè нападне и ако ги симнеме ракавиците, мислам дека би ја поразиле Русија прилично брзо. Имаме огромна надмоќ над Русија во воздух. Ако Украинците онеспособиле половина од рускиот капацитет за преработка на нафта за шест месеци, ние би можеле да го направиме тоа за шест недели и да ја онеспособиме и другата половина“, рече Сикорски.
Polish Foreign Minister Sikorski:
If Russia attacked us and we took our gloves off, I think we would defeat Russia quite quickly.
We have overwhelming superiority over Russia in air power.
If the Ukrainians have knocked out half of Russia’s refining capacity in six months, we… pic.twitter.com/XUzyDVjw9r
— Clash Report (@clashreport) September 13, 2026
Изјавата беше дадена во Кијив, каде Сикорски учествуваше на годишната средба на Јалтската европска стратегија (YES). Овогодишниот форум се одржува на 11 и 12 септември и е посветен на војната во Украина, европската безбедност и можните начини за зајакнување на притисокот врз Русија.
Во истата дискусија Сикорски повика НАТО да биде поактивен во одвраќањето на Москва. Тој предложи Алијансата да организира поинтензивни воени вежби на својата страна од границата со рускиот Калининград, со цел Русија да биде принудена да задржи или префрли дел од своите сили од Украина. На прашањето дали предлага заземање на Калининград, Сикорски експлицитно одговори дека не предлага такво нешто.
Полскиот шеф на дипломатијата пристигна во Кијив на 11 септември, во период на засилени руски воздушни напади врз Украина и зголемена загриженост во Варшава за безбедноста на источната граница на НАТО.
Д. Е.
