Трговската размена помеѓу Кина и Јужна Америка, првпат минатата година се искачи на повеќе од 500 милијарди долари, изјави кинескиот претседател Си Џинпинг на Форумот Кина – ЦЕЛАЦ (The Community of Latin American and Caribbean States).
Си во говорот на Форумот во Пекинг со претставниците на Заедницата на земјите од Јужна Америка и Карибите наведе дека е големо задоволство да се соберат „старите и новите“ пријатели.
Тој наведе дека Кина го поддржува проширувањето на влијанието во државите од Јужна Америка и Карипскиот басен.
– Кинеските власти ќе им обезбедат на земјите од Јужна Америка заем од 66 милијарди јуани (околу 9,2 милијарди долари), наведе Си.
Тој најави и дека Пекинг планира да го зголеми увозот во земјите во регионот.
– Ќе поттикнеме поголем прилив на инвестиции за да го поддржиме развојот на земјите од Јужна Америка и Карибите, посочи Си.
