Седумкратниот светски шампион Луис Хамилтон изрази загриженост за насоката во која се движи Формула 1 со воведувањето на новите технички правила, но додаде дека се надева дека болидите за 2026 година сепак ќе успеат пријатно да го изненадат.
Револуционерни промени во дизајнот и моторите ќе стапат на сила од сезоната 2026, при што уделот на електричната енергија во погонскиот систем на автомобилот ќе се зголеми од 20 на 50 проценти.
Хамилтон не се снајде добро во Ферари, но се надева дека ќе може да се адаптира на овој болид.
– Ми недостига звукот. Кога ќе чуете В12 мотор, кога ќе помине Ферари, тоа е страст. Бидејќи се префрливме на В6, иако тоа е добра насока од гледна точка на одржливост, што е секако позитивно, не можете да го избегнете фактот дека звукот не е ист како кога ќе го погледнете Ферарито на Шумахер од 2003 година, рече Хамилтон.
Поранешниот светски шампион, исто така, ја истакна важноста на различноста во Формула 1.
-Каде и да одам, сè уште ретко гледам луѓе кои личат на мене. Кога почнавме да работиме на филмот (Ф1 со Бред Пит во главна улога), различноста беше една од клучните теми. Сакаме да покажеме како може да изгледа Формула 1 и како треба да изгледа, рече Британецот.
