Американската пејачка Били Ајлиш беше видена како се бакнува со холивудскиот актер Нат Волф во Венеција, потврдувајќи ги гласините за нивна романса, пренесе порталот Deux Moi.
Двојката била забележана во страствен бакнеж на балкон, уживајќи во романтичен одмор со шампањ и италијанско сонце. Гласините за врската меѓу 30-годишниот Волф, познат по серијата „The Consultant“ и музичкиот дует „Nat&Alex Wolff“, и Ајлиш кружеа со месеци. Двајцата се запознале на забава по доделувањето на Оскарите и се поврзале поради искуството на Волф со Туретов синдром.
Волф глумеше во музичкиот спот за песната „Chihiro“ на Ајлиш, кој таа го режираше, опишувајќи ја нивната врска во спотот како „неизбежна поврзаност“. Фановите ги забележале заедно во Њујорк во март на „iHeartRadio Music Awards“, но извор за „Daily Mail“ тогаш тврдеше дека се само пријатели и дека Ајлиш е заинтересирана исклучиво за жени. Волф, кој има успешна кариера во филмови како „The Fault in Our Stars“ и „Paper Towns“, е на турнеја со Ајлиш заедно со неговиот брат Алекс.
