Од 27 до 29 јуни 2025 во Лесковац, Србија, се одржа 27. Балканска смотра на млади стрип автори. Покрај многуте содржини на овој стрип фестивал, којшто се смета за најстар и најмасовен настан на Балканот и пошироко, се организира и мегународен стрип конкурс. Оваа година конкурсот собра рекордни 3.172 учесници од 51 земја од сите континенти. На истиот македонските стрип автори имаа забележителен успех.
Во првата вечер (27.06), мегу другите, на Стрип центарот од Велес му се додели диплома за најмасовно организирано учество на споменатиот конкурс. Наградата ја прими Томе Трајков, програм координатор, кој истакна дека се работи за 60 испратени стрип дела од македонски ученици. Тука не се споменуваат и анимирани повозрасни од 18 год. коишто индивидуално испратија свои дела. Како што додаде Трајков, се работи за вообичаена пракса применета на повеке стрип фестивали, што спаѓа во негов директен ангажман и иницијатива.
Во втората вечер доделени се награди за најдобрите стрипови за кои одлучуваше жири составено од претседателот Ласко Џуровски (стрип карикатурист и илустратор), Милорад Вицановиќ Маза (стрип карикатурист и илустратор) и Марко Стојановиќ (стрип сценарист и теоретичар). Според жирито, најдобар млад сценарист е Војдан Андонов од групацијата „ПАРАГОНС “ од Скопје за стрип нацртан од Марко Марковиќ, исто така од оваа групација на млади стрип автори. Александар Бараковски од истиот тим е добитник на диплома во категорија на најдобра илустрација.
Завршниот ден на оваа балканска смотра беше наменет за получасовни панел промоции на присутни автори од стрип сцени од разни земји, мегу кои и бројните присутни автори од Македонија.
