Американската војска денеска објави дека ќе испрати 200 маринци во Флорида за да обезбедат административна и логистичка поддршка на Службата за имиграција и царина (ICE).
Маринците се првиот бран на поддршката на Северната команда на САД за мисијата на агенцијата за справување со нелегалната имиграција, се вели во соопштението.
Нивната улога, како што додадоа, ќе се фокусира на административни и логистички задачи и дека им е посебно забрането да имаат директен контакт со луѓе во притвор од Службата или да учествуваат во кој било аспект од синџирот на притвор.
Минатиот месец, Пентагон одобри мобилизација на до 700 лица од Министерството за одбрана за поддршка на ICE во Флорида, Луизијана и Тексас. Американскиот претседател Доналд Трамп, исто така, распореди 700 маринци во Лос Анџелес во јуни за да ги заштитат агентите за имиграција за време на рациите за апсење на нелегални имигранти во Соединетите Држави.
