Социјалдемократската партија на Хрватска се огласи по концертот на Марко Перковиќ Томпсон на Хиподромот во Загреб, при што изјави дека сите биле сведоци на голем светски срам.
Во соопштение за медиумите, СДП изјавиja дека јасно мора да се дистанцираaт од историскиот ревизионизам, пренесува klix.ba.
„Наместо вниманието на јавноста и организацијата на концертот да се искористат како единствена можност за силна и јасна заштита од сите форми на историски ревизионизам и усташлукот, бевме сведоци на глобален срам во кој екстремните пораки добија државна логистика и директна поддршка од врвот на владата. Зошто Андреј Пленковиќ, ако веќе се сликаше со Томпсон, не ја искористи оваа можност да му го каже она што секој одговорен премиер требаше да му го каже: дека во Хрватска, усташството нема и нема да има место ниту на сцената ниту околу неа? Особено е опасно кога во публиката има млади луѓе кои гледаат на сè како да е интересна видео игра и не разбираат каква опасна игра се одвива во позадина и какво зло се повикува од сцената“, изјави СДП.
Тие исто така истакнуваат дека проблемот никогаш не бил во самата музика.
„Проблемот никогаш не бил во музиката. Проблемот е во она што ја придружува таа музика – во текстовите, симболите, пораките и идеологиите што отворено го слават усташството, кои ги издигнуваат Јура и Бобан на ниво на Бог и патриотизам. Вистината е сосема поинаква: Ако постои пекол, Јура и Бобан секако се таму. Патриотизмот е одговорност што нè обврзува да создадеме општество на правда, солидарност и инклузивност, бидејќи само во такво општество можеме да живееме со достоинство и слобода. Сè што отстапува од тие вредности не е вистинска љубов кон татковината, туку колапс на принципите на слобода, правда и меѓусебно почитување врз кои почива Хрватска“, заклучи СДП на Хрватска.
Во саботата, повеќе од 504.000 обожаватели на хрватскиот пејач Марко Перковиќ Томпсон, кој се смета за икона на хрватската десница, присуствуваа на неговиот концерт на Загребскиот хиподром.
Тој стана популарен со националистичките песни во 90-тите години од минатиот век, за време на војната за независност на Хрватска. Неговите концерти се забранувани во повеќе држави поради глорификација на усташкиот режим во Хрватска за време на Втора светска војна.
Организаторите потврдија за Хрватската радиотелевизија дека 504.000 луѓе се собрале на Хиподромот, што го прави овој концерт најголем музички настан од ваков вид во Хрватска.
Томпсон го отвори концертот со песната „Раздигни се од сенките“. Атмосферата дополнително ја подигна факелот што ја запали публиката.
500.000 people chanting a WWII-era Nazi greeting in #Croatia 🇭🇷 at a concert of a man who sang songs glorifying fascist-run concentration camps & the genocide against #Serbs. This is accepted in the #EU. 🇪🇺 pic.twitter.com/9l8oBEKIM3
— Boris Malagurski (@malagurski) July 6, 2025
„Сега, со овој концерт, ќе покажеме големо единство. Сакам да ѝ кажам на цела Европа да се врати на своите традиции, на своите христијански корени. Само така Хрватска може повторно да биде силна“, рече пејачот.
За концертот беа воведени строги безбедносни мерки.
Делови од градот околу Хиподромот беа затворени за сообраќај од петокот вечерта.
Навивачите носеа хрватски знамиња, спортски маици со хрватски национални симболи, црвено-бели коцки, но и црни маици со лицето на Томпсон на кои се напишани текстови од неговите најпознати песни и наслови на албуми.
Меѓу навивачите имаше и мал број од оние кои носат црни маици со поздравот на усташкото движење „За дом спремни“, со кој започнува една од најпознатите песни на Томпсон, Чавоглаве, за време на војната во 1990-тите.
Томпсон најчесто пее песни за војната во Хрватска во 1990-тите.
Поради ваквите песни, но и затоа што меѓу неговата публика има и такви кои ја внесуваат усташката иконографија и отворено ја величат Независната Држава Хрватска (НДХ), концертите на Томпсон претходно беа откажани во многу европски градови. Пејачот тврди дека е патриот, а не националист, додека во своите изјави го нарече усташкиот поздрав „За дом спремни“ стар хрватски поздрав што го користеле некои хрватски единици за време на војната во 1990-тите.
Ј. Ѓ.
