Никој не треба да се осуди на граѓаните да им кажува што им е потребно, туку треба да им овозможи пристојни услови и високи плати. Никој и во комунизмот не се осмелуваше да им кажува на работниците што, кога и колку треба да јадат и да пијат. Мислам дека тоа е многу погрешен чекор и дека наместо да ја замајуват јавноста и да го напаѓаат ССМ за вредноста на кошничката, требаше да ги зголемат платите, вели претседателот на Сојузот на синдикатите на Македонија (ССМ) Слободан Трендафилов во врска со утрешната седница на Економско-социјалниот совет (ЕСС) на која, како што е најавено, ќе биде презентирана просечната потрошувачка кошничка.
Трендафилов денеска на прес-конференција, одговорајќи на новинарски прашања, и порача на Владата, ако и смета синдикалната минимална кошница, да креира и владина кошничка, како и „да го отвори владиното бифе како работничка менза“.
-Би сакал да слушнеме како синдикати и работници која е стратегијата на Владата преку креирање кошничка која ќе ни покаже што треба да купуваме и како треба да ги прехрануваме нашите семејства со вакви мизерни плати. Никој не треба да се осуди да им кажува на граѓаните што им е потребно, туку треба да им овозможи пристојни услови и високи плати за да можат да си ги овозможат сите услови што им се потребни, но не најосновните. Синдикалната минимална кошница не покажува што ни е потребно за да преживееме, туку им покажува на креаторите на политиките дека не се живее ни со толку. Ако тоа им смета, може да си креираат сопствени кошнички, но ќе треба да креираат и владина кошничка и да го отворат владиното бифе како работничка менза, нагласи Трендафилов.
Тој го повтори ставот на ССМ, дека синдикалната минимална кошничка е единствена статистичка операција што покажува како се живее во Македонија.
-Синдикалната минимална кошничка покажува дали можеме да си ги овозможиме најосновните прехранбени производи и услови за живот. Тоа што сакаат да го направат е веројатно, да кажат колку на човек му треба данес за јадење, од каде да оди да го пазари тоа јадење иако ќе има ниска пензија, најниска минимална плата, а да не зборуваме дека и во јавниот сектор имаат исто така ниски плати и во приватниот сектор дополнително, на тој начин се осиромашуваат работниците. Ако сакате да го направите тоа, никој и во комунизмот не се осудуваше да им кажува на работниците што треба да јадат и да пијат и кога и колку да јадат. Мислам дека е тоа многу погрешен чекор и дека наместо да ја замајуваат јавноста и да го напаѓаат ССМ за вредноста на кошничката, требаше да ги зголемат платите па никој немаше да зборува за вредноста на кошничката, ниту за потребата од една, три или пет кошнички за самец, за двајца, за млад брачен пар, за пензионери, подвлече Трендафилов.
Претходно тој информираше дека ССМ го доби решението за репрезентативност, како и дека на утрешната седница на Економско-социјалниот совет (ЕСС) ќе бара 500 евра минимална плата и 6 000 денари дополнително зголемување на сите останати плати.
