Кајак кану клубот Арка-Борец го освои првото место на Балканското клупско првенство во кајак спуст на диви води одржано од 22 до 24 август на реката Дрина во Бајина Башта, Србија.
Велешани настапија со тим од 13 натпреварувачи.
На Балканијадата, покрај македонскиот тим учествуваа и дваесетина други од Словенија, Хрватска, Босна и Херцеговина и домаќинот Србија.
– Со овој успех велешкиот клуб уште еднаш потврди дека е лидер во регионот, а младите таленти од ККК Арка-Борец се иднината на македонскиот кајак, изјави за МИА, Љубомир Спасиќ тренер на клубот и натпреварувач.
Воедно, кајакарите од Арка-Борец беа втори во категорија Пионери и трети во категорија Јуниори.
