Поранешниот шампион на УС Опен, рускиот тенисер Данил Медведев е казнет со 42.500 долари за неспортско однесување за време на неговиот пораз во првото коло на турнирот во Њујорк, објави денеска Би-Би-Си.
Русинот беше елиминиран од Французинот Бенџамин Бонзи по бурната реакција предизвикана од влегувањето на фотограф на теренот во клучните моменти од натпреварот.
Тениската асоцијација на САД го казни Медведев со 30.000 долари за неспортско однесување и дополнителни 12.500 долари за кршење на рекетот.
Russian tennis player Daniil Medvedev exhibited classic Russian culture after a loss at the US Open – violence and mental illness.
Send this psycho back to Russia and ban him from the sport. pic.twitter.com/Y4FzTOp4ia— Igor Sushko (@igorsushko) August 25, 2025
Инцидентот се случи во третиот сет, при резултат 5:4 за Бонзи, кога фотограф стапна на теренот помеѓу првиот и вториот сервис на Французинот. Судијата Грег Аленсворт пресуди дека Бонзи треба да го повтори првиот сервис, што предизвика гнев кај Медведев и бурна реакција од публиката. Дуелот беше прекинат повеќе од шест минути додека атмосферата не се смири.
Медведев успеа да се избори за петти сет, но на крајот загуби по драматична борба. По поразот, тој гневно го искрши рекетот и седеше на столчето неколку минути пред да го напушти теренот.
Самиот Медведев кратко изјави по натпреварот дека очекувал таква казна: „Добив доволно висока казна, па ако кажам нешто, ќе бидам во уште поголема неволја. Затоа нема да зборувам“.
