По масивниот напад со беспилотни летала и ракети на московските сили врз Украина во текот на ноќта на 28 август, насочен кон Кијив, во кој беа погодебии станбени области, при што загинаа најмалку 23 лица, меѓу кои четири деца, а беа повредени 63 други, меѓу кои 11 деца и и беа погодени седиштата на ЕУ и Британскиот совет, пропагандната машинерија на Кремљ се стави во погон во обид да ги оправда руските смртоносни напади врз цивилни цели.
Главен руски „играч“ во овие настојувања е провладината РИА Новости, со своите подружници надвор од Русија, каде меѓу најприемчиви за руските пропагандни наративи се покажаа медиумите на Балканот, вклушително и во Северна Македонија.
Како што забележа Тимот на ЦИВИЛ за мониторинг на хибридни закани, (ЦХТМ), во дел од медиумите во земјава и во соседството, се дистрибуира вест на РИА Новости (која впрочем е забранета за реемитување кај нас), па така, со наслови како „Русија убила НАТО офицери?“ во македонските медиуми,
и истиот преведен на српски „Rusija ubila NATO oficire?“ во соседна Србија, убиствата на цивили и разрушените цивилни станбени објекти лажно се прикажува како напад врз командни и логистички пунктови на украинската армија во Кијив и околните предели.
Пренесените руски наративи прикажуват дека цел на ударите биле складишта со оружје, бази на украинските единици, како и клучни комуникациски и командни центри, каде, според непотврдена информација, во еден од штабовите биле затекнати 25 украински офицери и околу десет претставници на НАТО, при што биле уништени значителен број украински војници, вклучително и странски платеници.
Секако, извор од каде домашните и медиумите во регионот ја преземаат оваа (дез)на информација е, се разбира, прорежимската пропагандистичка агенција РИА Новости, која се повикува на коориднаторот на проруското нелегално движење во Николаев, Сергеј Лебедев.
Се чини дека овие медуми не ги погледнале иладниците потресни фотографии и видеа од масакрот кој го извршија руските агресори врз Кијив, и не ги прочитале реакциите со осуда кои дојдоа од целиот демократски свет, за да можат со таква леснотија да ги шират нарачаните руски манипулативни и пропагандни наративи.
Зголемената руска пропаганда во дел од македонските медиуми во пресрет на локалните избори има повеќекратни цели, кои се во корелација во пошироката стратегија на Кремљ за влијание во Европа, на Балканот, вклучително и во Северна Македонија, членка на НАТО и претендент за влез во ЕУ, при што се стреми да ги прикаже ЕУ како лицемерна, корумпирана или непријателски настроена, а НАТО како „окупатор“, со што треба да го ослаби кредибилитетот на овие институции кај граѓаните.
Драган Мишев, во соработка со Тимот на ЦИВИЛ за мониторинг на хибридните закани (ЦХТМ)
Преземено: Цивил Медиа