Напад со руски беспилотни летала во текот на ноќта оштети украинска електрана во близина на Одеса, на југот од Украина, оставајќи утринава повеќе од 29.000 корисници без струја.
Гувернерот на регионот Голема Одеса, Олех Кипер, на Телеграм објави дека најтешко е погоден градот Чорноморск, веднаш до Одеса, каде во нападот биле оштетени станбени куќи и административни згради.
-Клучната инфраструктура работи на генератори, рече Кипер, додавајќи дека во нападот е повредено едно лице.
