Во Холандија повторно е потврдено присуството на птичји грип, за првпат по март, во покраината Дренте, на фарма за гоење кокошки каде што ќе бидат еутанизирани 71.000 кокошки.
-Иако знаеме дека ризикот се зголемува на есен, секој случај што ни се појавува секако е разочарувачки. Се надевав дека тоа сепак ќе се случи неколку месеци подоцна, рече претседателот на здружението за одгледување живина, Кес де Јонг, објави холандскиот јавен радиодифузен сервис NOS.
Во радиус од три километри околу фармата има уште шест фарми за одгледување, кои ќе бидат под посебен надзор.
Забраната за транспорт е воведена за 25 фарми во радиус од десет километри и се однесува на животни, јајца, ѓубриво и отпад.
Холандската национална агенција за безбедност на храната (NVWA) продолжува да истражува други фарми што биле во контакт со засегнатата фарма.
Птичјиот грип предизвикува симптоми како што се проблеми со дишењето, воспаление на очите и слабост, а најтешката форма на болеста може да биде фатална.
Пренесувањето на луѓето е многу ретко и обично се случува само преку близок контакт со заразени животни и не е опасно.
Поради зачестеноста на епидемиите на птичји грип, вакцината е во експериментална фаза од 2023 година.
