Италија наскоро ќе има своја кибер армија, изјави италијанскиот министер за одбрана Гвидо Кросето, цитиран од италијанските медиуми.
-Италија ќе има кибер армија за да го брани својот суверенитет во дигиталната сфера на исто ниво со копното, морето, воздухот и вселената, рече Кросето во видео обраќање емитувано на технолошки настан.
„Мора да се создаде почетна структура што може да смета на 1.200-1.500 лица, од кои повеќето ќе бидат оперативни, но целта е да се создадат поголеми, целосно автономни сили способни ефикасно да се спротивстават на целиот спектар на закани“, рече тој.
-Кибер димензијата сега е оперативна област на безбедност, заедно со копното, морето, воздухот и вселената“, нагласи италијанскиот министер за одбрана.
„Неговата заштита бара деликатни, трајни и интегрирани способности“, рече Кросето.
-Тука се оформува идејата за национални кибер сили со цивилна и воена компонента, способни да работат 24 часа на ден, седум дена во неделата, 365 дена во годината, истакна тој.
