Италијанскиот тенисер Јаник Синер доби рекет направен од чисто злато по освојувањето на егзибицискиот турнир „Сикс Кингс Слем“.
Наградата на турнирот во Ријад, Саудиска Арабија, тежеше приближно 3 кг. Рекетот е вреден 250.000 евра. Трофејот му го врачи Турки Ал-Шеик, советник на Кралската канцеларија на Саудиска Арабија.
Во 2024 година, слична награда му беше доделена и на Рафаел Надал.
Вчера Синер го победи Шпанецот Карлос Алкараз (6:2 и 6:4) во финалето на егзибицискиот турнир во Ријад. За освојувањето на „Сикс Кингс Слем“, тенисерот заработи шест милиони евра – повеќе отколку за освојување на кој било од Грен слем турнирите.
