ЉУБОМИР КОСТОВСКИ
Денес попладне во Белград новинарите од сите белградски редакции ќе протестирааат против нападот врз екипата на телевизијата N1 во центарот на главниот српски град
Специјалното издание на „Вести во боја“ ќе се снима вечерва во близина на Ќациланд, на местото каде што претходно ќе се одржи протестот на новинарите поради нападот врз екипата Н1. Авторот и водител Жељко Вељковиќ изјави во Нови дан, утринската програма на оваа телевизија, дека не се согласува дека вршењето новинарска работа на која било улица во Србија треба да биде прашање на храброст.
Средбата со барање за слобода на известување е закажана за вечерва во 19 часот пред српскиот Парламент, објави Независното здружение на новинари на Србија (НУНС).
Собирот ќе се одржи како израз на професионална солидарност со екипата на оваа телевизија нападната токму на тоа место, како и со сите новинари кои беа цел на напади во минатото додека известуваа во јавен интерес.
На новинарите им беше кажано да дојдат со камери и телефони – симболично и буквално – „за да ја завршиме нашата работа на лице место: да документираме, да поставуваме прашања, да ги евидентираме фактите“.
Екипата на емисијата „Вести во боја“ по протестот ќе започне со подготовки за директен пренос од местото каде што беше нападната екипата N1.
Авторот Жељко Вељковиќ рече дека од неколку причини токму овој напад бил најстрашниот.
„Се случи среде бел ден, кога еден човек веќе осудуван за убиство ги нападнал нашите колеги. Тој не ја напаѓал камерата, туку екипата на N1. Присутните полицајци што ги имало во доволен број немо набљудувале и чекале напаѓачите (од снимките се гледа дека биле повеќе од петмина) да си заминат без да ги сопрат или идентификуваат.
Како што оцени Вељковиќ (на сликата) ова е само предупредување дека ќе се случи и убиство на некој нов Ќуривија (убиство на новинар пред неговиот дом за кој не се диференцираа убијците и налогодателите пред 26 години- н.з.) „Ова е пресметка со медиумите. До сега ваков напад не сме имале”, оценува тој.
Како што рече, вечерва ќе се оди пред Ќациленд, за да се докаже дека тој простор е на сите граѓани (се работи за Пионерскиот парк).
„Доаѓаме без намера да провоцираме никого и ги молам сите да не го прават тоа, бидејќи тоа не би била добра порака ниту за нив. Не се согласувам да имам храброст да си ја работам работата на која било улица во мојата земја“, нагласи тој.
Пораката, рече тој, е да им кажам на сите колеги дека сме со нив.
„Н1 поминува многу повеќе време на терен, новинарите се повеќе експонирани. За нас е важно да знаат дека сме со нив и да покажеме дека нема да се повлечеме откако ќе се скрши една камера. Не, ние ќе известуваме подеднакво се додека имаме камера и глава, а сега сте добредојдени ако сакате да ни ги скршите камерите и главите“, рече тој.
Во продолжение на Новиот ден, утринската програма на оваа телевизија се откри дека дека еден од напаѓачите е осуден на долгогодишна казна затвор за убиство а вториот исто така е осуден на иста таква казна, но додека ја отслужувал во затворот убил друг осуденик само затоа што бил Ром. Требал да отслужу вкупна казна од 19 години. Како се нашле обајцата на слобода не е јасно!
Текстот е личен став. Преземено од ФБ профилот на Авторот
