МВР со соопштение потсетува дека согласно измените и дополнувањата на Одлуката и протоколите за заштита на здравјето на населението од заразната болест Ковид 19 предизвикана од вирусот SARS COV 2, забрането е организирање и одржување на прослави на јавни места и површини по повод престојните празници, како и организација и одржување на каков било друг тип на прослави и собирања на отворен и затворен простор од страна на физички и правни лица.
МВР ги информира граѓаните дека сѐ уште е во функција бесплатниот телефонски број 0800-00-201 и електронската адреса mvrinformaciiuslugi@moi.gov.mk, на кои граѓаните анонимно можат да пријават групирање и организирано одбележување на претстојните празници. стои во соопштението.
МВР упатува апел до граѓаните да се воздржат од групни собирања и да ги почитуваат мерките на Владата, а сѐ со цел заштита на индивидуалното и јавното здравје.
