За време на расправата за интерпелацијата на вицепремиерот за европски прашања, Никола Димитров, не беше реткост да се чујат меѓусебни навреди на пратениците. Можеше да се слушнат тешки зборови на сметка на работењето, објавување на лажни вести, кој што направил, кој каков пратеник е… Сепак пратеникот Димитар Апасиев се издвои по тоа што ги доведе навредите на друго ниво, употребувајќи зборови како „шуплива политичка логика“ упатена кон пратеникот Коста Костадинов од СДСМ, дискредитирајќи по основа на тоа каде се стекнал со обрзование.
Апасиев во репликата го обвини Костадинов дека има купена диплома од ФОН.
„Коки син мајкин, купена диплома од ФОН те прави само „шуплива политичка логика“. Значи, што е трагичното во шупливото – да бевте празни, ќе ве наполневме, ама пошто сте шупливи, можете само да паднете!“, рече Апасиев.
