Катар денеска вети 60 милиони долари за изградба на гасовод за природен гас од Израел до Појасот Газа со цел да се стави крај на енергетската криза во областa.
Планот е природниот гас од наоѓалиштето Левијатан, со кое управува Шеврон во источниот дел на Медитеранот, да тече низ постојниот гасовод до Израел, а оттаму до Газа преку предложеното ново продолжение.
Палестинскиот премиер Мохамад Штаијех го поздрави ветувањето и рече дека гасоводот „целосно ќе го реши проблемот со електрична енергија во Газа“.
Сумата што ја вети Катар ќе биде наменета за продолжување на гасоводот од израелска страна.
Европската унија соопшти дека ќе го финансира гасоводот од страната на Газа. /МИА/
