Директорот на Комисијата за односи со верските заедници и религиозни групи, Даријан Сотировски, денеска оствари средба со амбасадорот на Европската унија Дејвид Гир на која тој се запознал со проектите и целите на кои Комисијата работи периодов, а се во интерес на развој на повеќе области кои подолго не биле третирани.
Како што соопштија од Комисијата за односи со верски заедници и религиозни групи, амбасадорот ја истакна важноста на областа со која работи Комисијата и подготвеноста на Делегацијата да соработува во интерес на остварување на предвидените цели.
На средбата се разговараше за повеќе актуелни прашања, за меѓуверските односи во државата кои се оценуваат како стабилни и квалитетни, како и за современите предизвици на општеството, европската перспектива и регионалната соработка, стои во соопштението.
извор: МИА
