Генералната оценка на најновиот извештај на Фридом Хаус е дека владата на повторно избраниот премиер Зоран Заев направила пресврт во однос на повеќе годишното претходно уназадување на демократијата, и дека сериозно прашање за државата е тоа што ЕУ не го одржа ветеното дека земјата ќе го започне процесот на преговори на крајот од 2020 година.Во извештајот на Фридом Хаус „Слободата во светот“, годинашната оценка за државата е 66 од можни сто поени, што е за три поени напредок од лани.
Фридом Хаус се повикува на позитивните оценки на ЕУ за реформите во правосудството, и дека е потребно да продолжи практикувањето на законските можности за зајакнување на независната работа на судиите.
Забележан е прогрес во поддршката на граѓанското општество со констатација дека дел од граѓанските организации кои застапуваат човекови права укажуваат на притисок врз нивното работење од страна на ВМРО-ДПМНЕ и нивните поддржувачи.
Извештајот констатира дека работата на невладините организации е слободнa и безбеднa со сериозни промени за разлика од периодот до 2017 година.
„Фридом Хаус“ нотира дека расте бројот на критички и независни медиуми особено на онлајн платформите, но се говори и за тоа дека новинарите работат во услови на политички притисок и дека медиумскиот простор во земјата е поларизиран и дека дел од приватните медиуми се поврзани со центри на политички и бизнис интереси.
–Ова се добри вести за Македонија. Не става во категоријата „Делумно слободни земји“ но само по една категоријата, а тоа се граѓански слободи. Фридом Хаус на скалата на политички права има скоро 27 поени што ја става во категоријата слободни земји, но по граѓански права има 39 што е во категоријата делумно слободни. Целосно слободни земјии почнува од 43. Напредокот треба да не охрабри. Главна забелешка се уште е владеењето на правото, судските процеси итн… За почеток може да се пофалиме дека сме една од ретките земји што напредува во овој индекс, изјави во Утрински брифинг Петар Арсовски, политички аналитичар.
