Вулкан еруптираше во југозападен Исланд, а постоа следуваа илијадници мали земјотреси во изминатите неколку недели. Долго заспаниот вулкан еруптираше во петокот, на 40 километри од главниот град Рејкјавик, соопшти Исландската метеоролошка управа.
Локалните медиуми соопштија дека ерупцијата го запре воздушниот сообраќај на најголемиот Исландски меѓународен аеродром Кефлавик.
Метеоролошката управа објави дека пукнатината која се создаде по еруцијата во близина на планината Фагралдс е долга околу 500 метри, со што беше вклучен црвениот аларм за летање, но беа забележани многу малку турбуленции на сеизмометарот.
Сеизмографот покажал дека ерупцијата започнала во 8:45 минути по локално време. Лавата почна да избива полека а Метеоролошката станица објави видео на Фејсбук. Властите ги предупредија луѓето да ја избегнуваат погодената област.
„Ги замоливме луѓето да останат смирени и под никаква околност да не се приближуваат до ерупцијата кај Рејкјанесбраут. Спасувачките служби треба да имаат слободен пат за да можат да дојдат до местото. Научниците работат на проценка на настанувањето на ерупцијата“, соопшти полицијата.
Volcanic eruption has started in Fagradalsfjall in #Iceland tonight- Civil Protection @almannavarnir – has requested people not to go into the area close to the eruption. – photo from @Vikurfrettir pic.twitter.com/VDRDk05ioB
— Áslaug Arna Sigurbjörnsdóttir (@aslaugarna) March 19, 2021
