Нема никава поврзаност на семејството Заеви со акцијата за заплена на дрога, пропадна уште една гнасна лага на ВМРО-ДПМНЕ, велат од СДСМ. ВМРО-ДПМНЕ не научи да биде конструктивна опозиција која работи во интерес на граѓаните и на државата, лажните вести и одбрана на криминалот се единственото што оваа партија го нуди, затоа е во опозиција и уште долго ќе остане таму.“, се вели во соопштението од СДСМ.
Тркалезна маса за корупција на локално ниво ќе се одржи онлајн преку платформата Зум. Како што е најавено, ќе се обратат извршната директорка на Коалицијата „Сите за правично судење“ Натали Петровска, Данче Даниловска-Бајдевска, програмска директорка во Фондација
Отворено општество – Македонија и градоначалникот на Општина Карпош, Стефан Богоев.
По повод пет години од Шарена револуција, ЦИВИЛ денеска напладне ќе организира програма во живо, на која ќе покани активисти за човекови права кои учествуваа во оваа револуција. Програмата ќе биде пренесувана на фејсбук страницата и на Youtube каналот на ЦИВИЛ.
Во салата „Борис Трајковски“ денеска почна вакцинацијата на новинарите и на медиумските работници. Се вакцинираат оние новинари кои се пријавија на повикот и ги исполнија условите за да влезат во првата група на вакцинација.
За време на викендот имаше намалување на бројот на новопримени пациенти во сите болнички установи во Скопје и ширум државата споредено со крајот на минатата недела, информира денеска министерот за здравство Венко Филипче. Тој вели дека иако има таков тренд на намалување, се уште се внимателни и будно ја следат ситуацијата.
Независната угостителска комора (НУК) соопшти дека од среда почнува со издавање на сертификат „Чисто и безбедно“ за угостителските објекти кои ги применуваат и почитуваат во целост препораките и протоколите за работа во услови на пандемија.
М. Миткоска







