Петгодишниот Мајкл од Мичиген ги повика сите другарчиња од градинка, да дојдат на суд, да бидат публика и сведоци на неговото законско посвојување и со овој гест ги освои срцата на многу луѓе ширум светот, пренесе NBS News.
Мајкл во четвртокот и формално му се придружи на неговото ново семејство, по одлуката на Судот во округот Кент. На фотографијата која ја направија вработените во судот и ја објавија на нивниот Фејсбук профил и е споделена повеќе од 100 000 пати , може да види како малиот Мајкл задоволно се протега на столицата, седејќи до својот посвоител, новиот татко.
Зад нив седат дечињата од неговата градинка и мавтаат со хартиени срциња. Во текот на сослушувањето секое дете се претстави и објасни зошто е во судницата токму на овој посебен ден.
„Мајкл е мојот најдобар другар“ рече момчето Стивен.
„Јас ум Лили и го сакам Мајкл“ и рече малото девојче на судијката Партиција Гарнер, а за оваа специјална рпигода носеше ѓердан со божиќни мотиви.
„Учебната година ја започнавме како семејство“, рече учителот на Мајкл.
„Семејство не е иста ДНК, семејство е љубов и поддршка “, додаде тој.
Другарчињата, наставниците и родителите на дечињата силно аплаудираа откако Мајкл и официјално стана дел од новото семејство, а „новите“ мама и тато удираа со судиското чеканче кога заврши целата постапка.
Вчерашниот ден, 10 декември, четрвток во округот Кент е прогласен и прославен како Ден на посвојувањето. Дури 37 дечиња официјално беа дочекани со љубов во своите нови семејства.
Малиот Мајкл пред локаните медиуми рече „ГО САКАМ МОЈОТ ТАТКО“, и татко му се „стопи од среќа“.
